أنا اللي حبيت بنت عمري ماشوفتهاا

فى يوم رن موبايلي عادي

من نمره معرفهاش

رديت .. ألوو ... أيوا مين !!

قالتلي ممكن أكلم .....

قولتلها النمرة غلط

فقالتلي أسفه بااي

جا الليل معرفش إيه فكرني بيها

فـ جبت رقمها بصيت عليه

غصب عني دوست call رنيت عليا

مع إني مش عارف لو ردت هقول إيه

ردت عليا قالت مين !!

قولتلها أنا حد جدا حزيـن

شوفت فى حياتي مر السنين

عاوز أتكلم مع حد معرفوش

وأقفل معاه كأني مكلمتوش

سكتت وبنبره حزينة ردت

قالتلي إتفضل سمعااك

حكيت حاجات كتير تعبتني

من صاحب باعني لبنت سبتني

=!

قالتلي كمل سامعاك

أنـا فجأه دموعي قتلتني

وبصوت مدمع منها حزين

قالتلي ثانيه وهبقي معاك

أتـاريها بدموعها سبقتني

حسيت بذنب نحيتها

وحسيت بجد إني أناني

ليه أسيب بنت متعرفنيش

دموعها تنزل علشااني

وفى يوم رجعت إتصلت هي

شوفت رقمها دق قلبي

حسيتها جدا وحشااني

رديت عليها قالت إزيك

قولتلها كويس عامله إيه

وكلمة فى كلمة بقينا صحاب

ويوم فى التاني

قلبي دق نحيتها

حبيتها من صوتها ودفاه

حسيت فيها بحنيتها

وكنت بحلم بلحظة لؤاها

حسيت إن نفسي أعيش معاها

مع إني عمري ما قابلتها

من الأخر أقولكوا حاجه عمري ماقولتها !!

أيوا أنا اللي حبيت بنت

عمري ماشوفتهاا