ياللى تحب الجمال الحلو حلو الروح

ياللى تحب الجمال الحلو حلو الروح
فى ناس جميلة اوى وعايشة حلاوة روح
وبأيه يفيد الجمال لو عيشت بيه مجروح
اوعى الجمال يغرك او تنخدع فيه
اصل الجمال لو غرك يكويك بـ نار لياليه
ده مهما كان الجمال مسيره بكرا يروح
ده عشق الجسد مش دايم لكن اللى دايم حلاوة روح
انا اللى كان شاغلنى واللى كان ألمنى
اديتهم كل حاجة وهما استغنوا عنى
- - - - - - - - -
بكرا الايام تبين مين قاسى ومين حنين
وساعتها هتعرفونى لما الايام تبين
عايم والموجة عالية والموج عالى عليا
بتشيل وتحط فيا الكل جاى عليا
انا اللى عيشت ليهم وكنت بخاف عليهم
نسونى حتى اسمى مش هبقا خلاص عليهم
ياما ناس تلاقى النعمة على الارض بتدوسها
وناس غلابة تلم النعمة من على الارض وتبوسها
واللى يهين الولايه فى الدنيا ده بيتهان ياما الدنيا بهدلت جدعان